Болестите што ги пренесуваат комарците се шират низ Европа, а зголемувањето на случаите на чикунгуња, денга и вирусот на Западен Нил предизвикува повторни предупредувања од здравствените експерти.
„Светската здравствена организација“ („СЗО“) во почетокот на неделата соопшти дека околу 5,6 милијарди луѓе во 119 земји живеат во области каде што постои ризик од чикунгуња, вирус што предизвикува треска, осип и силни болки во зглобовите, пишува „Euraktiv“.
Како што се наведува, само Франција од мај пријавила 800 увезени случаи, главно поврзани со видот комарец „Aedes“, вклучувајќи го и видот „тигрест комарец“, кој потекнува од регионот на Индискиот Океан.
Во исто време, „СЗО“ повика на „итна акција за да се спречи повторувањето на историјата“, алудирајќи на епидемијата на чикунгуња од 2005 година на малите островски територии.
Неодамна, Франција и Италија пријавија случаи кај пациенти кои не патувале во погодените региони, додека здравствената агенција на ЕУ, „ECDC“, продолжи да објавува неделни новости за чикунгуња, денга и Зика.
Првата локално стекната епидемија на чикунгуња во Европа се случи во Италија во 2007 година, по што следеше пораст на случаите на денга во Хрватска во 2010 година.
WHO raises concern about spread of mosquito-borne Chikungunya virus https://t.co/Tpln1CmV8y pic.twitter.com/TzyqNkEFwx
— New York Post (@nypost) July 23, 2025
Високите температури помагаат во ширењето на комарците
Во меѓувреме, повисоките температури и климатските промени создаваат поповолни услови за преживување и ширење на вектори како комарците и крлежите низ ЕУ.
Студија објавена во мај во научното списание „The Lancet“ откри дека климатските услови во Европа стануваат сè поповолни за ширење на „тигрестиот комарец“.
Моментално во Европа се одобрени само две вакцини против чикунгуња, болест што главно ги погодува земјите со ниски и средни приходи, а вакцините против неа сè уште не се достапни ширум светот.
„Нема специфичен третман за чикунгуња“
Една од нив, „Ixćiq“, привремено е повлечена од пазарот на ЕУ додека „Европската агенција за лекови“ („EMA“) ја преиспитува нејзината безбедност за лица постари од 65 години.
„Нема специфичен третман за чикунгуња, па затоа луѓето треба да избегнуваат убоди од комарци“, смета Дајана Рохас Алварез од „СЗО“.
Новата стратегија на ЕУ за медицински противмерки, објавена почетокот на јули, се фокусира на векторските болести, но нуди малку детали за тоа како телото на Комисијата за итни здравствени ситуации, „HERA“, ќе ги убеди земјите-членки да ги споделат своите критични дози вакцини.
Минатата недела, шефицата на „HERA“, Флорика Финк-Хојер, изјави дека бројот на случаи „не се намалува“ и дека Комисијата планира да ги прошири глобалните партнерства во блиска иднина.
