Веќе цела деценија, ресторанот „Ревија“ е дел од градскиот ритам.
Отворен во 2015 година, ресторанот растеше со градот и со своите луѓе.
Како што вели сопственикот, Емануел Мане Рудинковски, „Ревија“ не е само место за излегување, туку и сцена каде што се спојуваат музика, уметност, разговори, пријателства и моменти што не се планираат, ама се паметат.
Рудинковски истакна дека целиот тим е особено горд на фактот што „Ревија“ стана омилено место на повеќе од 30.000 посетители месечно, за оние што знаат да уживаат, место каде што атмосферата секогаш е „таман“, каде што времето не брза, а градот дише поинаку.
Тој вели не е важно дали седиш на утринско кафе, вкусен ручек, или дружба со пријателите „Ревија“ веќе 10 години е таму каде што треба да биде: „Истото место. Истата енергија. 10 години подоцна“, заклучи Рудинковски и упати благодарност до сите посетители.
