Францускиот велосипедски тим "Cofidis" се соочи со вистинска драма пред стартот на втората етапа на Тур де Франс, откако од камион му беа украдени дури 11 велосипеди, објави тимот.
Кражбата се случила од камион паркиран на околу 150 метри од хотелот во Бондус, во близина на аеродромот Лил, каде што бил сместен тимот.
„Вратата од камионот била насилно отворена и 11 велосипеди се украдени, и покрај безбедносните мерки кои беа воведени“, стои во соопштението на тимот.
Dans la nuit de samedi à dimanche, l’équipe Cofidis a été victime d’un cambriolage. La porte du camion-atelier a été forcée et onze de nos vélos LOOK Cycle ont été dérobés malgré les dispositifs de sécurité qui avaient été mis en place. Des membres de la police se sont rendus à… pic.twitter.com/oI6EerUb5c
— Team Cofidis (@TeamCOFIDIS) July 6, 2025
Секој велосипед чинел околу 13.000 евра, што значи дека вкупната штета надминува 140.000 евра.
И покрај инцидентот, "Cofidis" успеа да обезбеди доволно велосипеди за учество на втората етапа, која се возеше во должина од 209 километри – од Ловен-Планк до Булоњ-сур-Мер.
