Имено, таа им препорача на своите следбеници да пржат храна со помош на вода од краставица, тврдејќи дека го научила методот од нејзината баба од Италија и дека никогаш повеќе нема да користи масло.

Во видеото, Јана покажа како прво го отсекла врвот на краставица, па со краставицата го премачкала дното од тавата. После тоа, скршила јајце и го испржила во тавата, а јајцето го сервирала со парче леб и исечкани парчиња краставица.

Видеото собра повеќе од 17,1 милиони прегледи, но корисниците на ТикТок не беа воодушевени од нејзиниот кулинарски совет, а многумина коментирале дека јајцата не се залепиле за тавата само затоа што користела тава со нелепливо дно.

Исмејување во коментарите

„Тоа е само вода“, „Што не е во ред со маслото?“, „Девојко, работата е во тоа што користиш нелеплива тава“ и „Направи го во тава од не’рѓосувачки челик и тогаш ќе се убедам“, беа само дел од коментарите.

И Италијанците исто така се огласија во коментарите.

„Мислам дека твојата баба не е Италијанка“, „Каква Италијанка, апсолутно не“, „Човеку, италијанска баба никогаш не би го заменила маслото со нешто друго“, напишаа тие.