Холанѓанецот Џереми Фримпонг (24) е првото засилување на Ливерпул за следната сезона.
Фримпонг на „голема врата“ се враќа во англискиот фудбал, бидејќи од 2010 до 2019 година беше дел од младинските селекции на Манчестер ити.
Потоа играше за Селтик, а во период од четири сезони во Баер стана еден од најдобрите играчи на позицијата десно бек во Европа. Фримпонг доаѓа на местото на Трент Александар-Арнолд, кој за 10 милиони евра се пресели во Реал.
Англискиот клуб за услугите на Фримпонг на Баер Леверкузен му плати 35 милиони евра.
Откако го реализира трансферот на Фримпонг, Ливерпул сега се насочува кон најдобриот играч на Баер Леверкузен, Флоријан Вирц.
Бројни медиуми во петокот објавија дека Ливерпул подготвил рекордни 125 милиони евра за германскиот репрезентативец.
