Истражувачи за сајбер безбедност од компанијата "Domain Tools" предупредуваат дека стотици "Chrome" екстензии тајно крадат податоци и активираат малициозен софтвер, пренесува "BleepingComputer".
Многу од овие злонамерни екстензии ја користат популарноста на познати брендови како што се "Fortinet", "YouTube", "Deepseek AI" и "Calendly", со што значително го зголемуваат ризикот корисниците несвесно да ги инсталираат и да западнат во проблеми.
Според информациите, "Google" веќе отстранил голем дел од овие екстензии од "Chrome Web Store", пренесува порталот "PC World".
Слична ситуација беше забележана и минатиот месец, кога истражувач за сајбер безбедност од "Secure Annex" откри голем број злонамерни "Chrome" екстензии кои се ширеа преку реклами и измамнички веб-страници. Објавена е и целосна листа на овие екстензии, што претставува уште еден потсетник зошто е клучно внимателно да ги проверувате сите додатоци во вашиот прелистувач.
За да останете безбедни, секогаш прегледувајте ги сите достапни рецензии пред да преземете која било екстензија и двапати проверете дали ја симнувате официјалната верзија. Во продолжение следува листа на осумте најсимнувани малициозни екстензии:
• Cuponomia – Coupon and Cashback (700.000 симнувања)
• Fire Shield Extension Protection (300.000 симнувања)
• Total Safety for Chrome™ (300.000 симнувања)
• Protecto for Chrome™ (200.000 симнувања)
• Browser WatchDog for Chrome (200.000 симнувања)
• Securify for Chrome™ (200.000 симнувања)
• Browser Checkup for Chrome by Doctor (200.000 симнувања)
• Choose Your Chrome Tools (200.000 симнувања)
