Иако ја најавуваа за денес, Каарија ја објави на „YouTube“ за време на втората полуфинална вечер на Евровизија. Во рок од 10 часа песната собра 26.000 прегледи и влезе во хрватскиот тренд.

Песната за првпат ја изведоа на настапот во евровизиското село во Базел. Каарија настапи на забавата во евровизиското село, а вистинската еуфорија настана кога на сцената излезе Бејби Лазања. Дуото има намера заедничка песна да ја изведе и во финалето на Евровизија во ревијалниот дел од програмата.

Фановите се воодушевени

Веќе има многу коментари за песната.

„Дали навистина го објавија ова за време на полуфиналето? Ги обожавам“, „Лудо е да пушташ песна за време на шоуто“, „Знаат што прават“, „Едвај чекам да го видам ова во финалето“, „Тие знаат што прават“, „Веројатно првата песна која содржи хрватски и фински јазик во себе“, „Ова е подобро од половина од нив што годинава се пласираа во финалето“, се дел од коментарите.

Да потсетиме, и двајцата завршија на второто место на Евровизија. Финскиот пејач Каарија се натпреваруваше во 2023 година со песната „Cha Cha Cha“, а Бејби Лазања ја претставуваше Хрватска минатата година со песната „Rim Tim Tagi Dim“. И двајцата беа фаворити на публиката.