Нотингем киксираше со испаднатиот Лестер, нервозниот Маринакис влета на теренот и имаше забелешки за менаџерот

Вчерашното реми против Лестер дополнително ги оддалечи од таков подвиг, а во јавноста посебно внимание привлече сцената по последниот судиски свиреж, кога познатиот Евангелос Маринакис влета на теренот и му испорача неколку забелешки на менаџерот Санто.

Контроверзниот грчки газда не го криеше незадоволството од конечниот исход, но Нуно откри дека неговата фрустрација била иницирана од измената на Авонији во 83-та минута.

Иако се жалеше на повреда, фудбалерот на Нотингем даде зелено светло да се врати во игра, но поради големо недоразбирање, на крајот заврши на клупата за резерви.

– Нервозата на Маринакис беше иницирана од ситуацијата и конфузијата која настана со измената на Авонији. Направивме погрешна измена и после тоа како да останавме со играч помалку. Постои фрустрација, но фудбалот е спорт со емоции и ова е нормално. Проблем со Маринакис? Само неговата желба и страст не води напред, Нотингем расте како клуб поради него. Тој не притиска и бара да бидеме подобри. Сите во клубот му должиме многу на семејството Маринакис, – изјави Санто.

Поради лошата слика која ја остави, Маринакис имаше долго обраќање на социјалните мрежи и порача Нотингем треба да го слави враќањето во Европа, но истовремено нагласи дека цврсто верува во замислите на тренерот Нуно.