Прекин на електрична енергија денеска погоди неколку региони на туристичкиот остров Бали во Индонезија, соопшти државната енергетска компанија „Perusahaan Listrik Negara“ (PLN), додека напорите за обновување на снабдувањето се во тек.
Погоден беше и аеродромот на островот, но пристигнувањата и поаѓањата продолжија непречено, соопшти операторот на аеродромот, пренесе „Reuters“.
Од компанијата "PLN" наведуваат дека се истражува причината за прекинот и дека се работи на повторно воспоставување на напојувањето со електрична енергија.
2 Mei 2025 / 19:23 WITA / Jalan Bypass Ngurah Rai
— Center of Attention♌ (@HzlntChocoMT) May 2, 2025
Bali Black Out pic.twitter.com/pa9VUdcJ3j
„Процесот на опоравување моментално се спроведува постепено“, изјави портпарол на "PLN" на Бали.
Фотографии објавени на социјалните мрежи покажуваат сообраќаен хаос на Бали како резултат на прекинот на струја, како и долги редици во чекалниците на аеродромот.
Media Internasional Soroti Bali Black Out, Sebut Wisatawan Mulai Khawatir
— Tribunnews.com (@tribunnews) May 2, 2025
https://t.co/ujSNCE5JDo via @tribunnews
Бали е водечка туристичка дестинација во Индонезија, со 6,3 милиони странски посетители во текот на минатата година, според податоците на Државниот завод за статистика.
