[ВИДЕО] Има жртви откако возило влета во публиката на уличен фестивал во Ванкувер, Канада: Ова е напаѓачот кој покоси маса луѓе, полицијата го штити од линчување

Полицијата соопшти дека возачот е во притвор по инцидентот во саботата во близина на улицата Фрејзер и Источна 41-ва авенија, објави канадската мрежа Си-Би-Си.

Инцидентот се случил околу 20 часот по локално време, а во него има голем број настрадани пренесуваат тамошните медиуми.

Полицијата соопшти дека возачот е уапсен.

Локалните медиуми објавија дека теренско возило удрило во пешаци за време на годишниот фестивал Лапу Лапу, кој ја слави филипинската култура. Фестивалот му оддава почит на водачот на антиколонијалната борба на Филипините во 16 век.

Непотврдени снимки на социјалните мрежи покажуваат бројни полициски автомобили, амбулантни возила и противпожарни возила на местото на настанот, а повредени лица лежат на земја.

Градоначалникот на Ванкувер, Кен Сим, изјави на социјалната мрежа X дека е „шокиран и длабоко тажен од ужасниот инцидент“.

„Нашите мисли се со сите погодени и со филипинската заедница во Ванкувер во ова неверојатно тешко време“, напиша тој.

Возачот кој со својот автомобил влета во толпа луѓе на фестивал во Ванкувер сега е под полициска заштита, за да спречат да биде линчуван од насобраните граѓани.
На снимката објавена на социјалните мрежи се гледа како полицајци опкружуваат уапсен Азиец, додека толпа луѓе се обидуваат да дојдат до него. Видно вознемирен, возачот на видеото едвај успеа да каже „Извинете“, пред да го одведат полицајците.