Состојки:

- 500 грама макарони;
- 100 грама сланина;
- 4 лажици масло;
- Сол, бибер;
- 200 грама трапист;
- Прстофат слатка мелена пиперка.

Подготовка:

1. Во големо тенџере ставете вода и малку сол, сварете ги тестенините, па исцедете ги.

2. Рерната загрејте ја на 200 степени Целзиусови.

3. Исечкајте ја сланината на ленти и кратко пржете ја на загреано масло. Потоа извадете ја и помешајте ја со тестенините. Посолете и додадете бибер.

4. Сирењето и тестенините распоредете ги во слоеви во сад за мусака така што на врвот да има ред сирење. Додадете мелена пиперка одгоре и печете 25-30 минути додека сирењето не почне да се топи, но внимавајте да не потемни.

Пријатно јадење!