Баерн маршира кон титулата во Бундеслигата, но Баерн се соочува со големи кадровски проблеми во пресрет на првиот четвртфинален натпревар од Лигата на шампионите со Интер.
Првиот меч на распоредот е на 8 април, а како што стојат работите во моментов, тренерот на Баварците Винсент Компани за тој меч нема да може да смета на еден од најдобрите играчи Џамал Мусиала.
Мусијала го израмни резултатот на гостувањето во Аугсбург во 42. минута, но натпреварот го заврши во 54. минута.
Германскиот репрезентативец се здоби со повреда на мускулот, дијагнозата се уште не е утврдена, но бидејќи со помош на лекарскиот тим го напушти теренот, јасно е дека овој фудбалер најверојатно ќе го пропушти двомечот со Интер.
За Баварците и Компани повредата на Мусијала е уште еден во низата удари.
Александар Павловиќ, Мануел Нојер, Дајо Упамекано, Алфонсо Дејвис, Кингсли Коман и Хироки Ито веќе се надвор поради повреди, а единствената добра вест за Баварците во морето од лошо е враќањето на Рафаел Гереиро, кој влезе од клупата против Аугсбург во самата завршница.
Со Мусијала, вкупно седум играчи моментално се надвор од терените во пресрет на клучните натпревари со Интер.
