„Ако на Путин гледаме едноставно како на човек, а не во контекст на меѓународната политика, тешко е да немате почит кон него“, изјави Ерол Маск во интервју за "BBC" на руски јазик.

На прашањето дали Илон, кој е на чело на американскиот Оддел за владина ефикасност, има сличен став за Путин, Ерол Маск потврди дека нивните гледишта се слични.

Ерол Маск нагласи дека луѓето околу него често се обидуваат да ги убедат другите да не му веруваат на Путин, но тој самиот го гледа како пример за силен лидер.

На забелешката дека Путин ја започнал војната во Украина, Ерол возврати дека „само со текот на времето ќе може да се разбере кој навистина ја започнал“.

Ставот на Илон Маск за Украина

Говорејќи за ставот на Илон Маск во врска со Украина, Ерол Маск истакна дека овозможувањето пристап на Украина до сателитската интернет-мрежа "Starlink" на самиот почеток на војната изгледало како правилна одлука. Меѓутоа, како што конфликтот се продолжувал, ставовите на Илон за ова прашање се менувале.

Тој категорично ја отфрли сугестијата дека промената на ставот на Илон е поврзана со деловни интереси, нагласувајќи дека нивното семејство има сè и дека не им sе потребно повеќе пари.

На прашањето дали може да открие нешто за својот син што јавноста не го знае, но што е важно да се знае, Ерол Маск изјави дека Илон е срамежлива личност и дека му недостасува самодоверба кога зборува во јавност.