Фановите на англискиот фудбал веројатно се сеќаваат на судијата Урија Рени, кој своевремено беше прв црн судија во Премиер лигата и зад себе има голем број натпревари во најелитното натпреварување на островот.
Рени одамна не е во фокусот на фудбалските фанови, но англиските медиуми открија дека неочекувано се нашол и во комплицирана здравствен состојба и тоа со симптоми кои започнале додека бил на одмор.
65-годишниот поранешен судија излегол од болница каде бил изминатите пет месеци, па сега продолжува со рехабилитацијата на домашно лекување.
Најтешкиот момент го доживеал минатата година кога бил на роденденско патување во Турција и каде почнал да ги чувствува првите болки.
– Мислев дека сум лежел лошо на лежалка, но болката во грбот не исчезнуваше.
– До крајот на одморот не можев да спијам од болка, а кога патувавме назад едвај можев да одам. Лекарите пронајдоа некаков израсток кој прави притисок врз кичмата, тоа беше ретка невролошка ситуација и не можеше да се коригира со операција.
– Морав да ги учам сите движења одново, засега можам да ги движам стопалата и да стојам со задржување, но мора да ги реактивирам мускулите, – изјавил Рени, кој судеше на над 300 натпревари во Премиер лигата меѓу 1997 и 2008 година.
