Актуелниот светски Формула 1 шампион, Макс Ферстапен вели дека неговата реакција на социјалните мрежи најдобро го потврдува неговиот став околу последната контроверзна одлука на Ред Бул.
Раководството на неговиот тим реши да го испрати Лиам Лоусон во вториот тим по само две трки, а неговото место како тимски колега на Ферстапен ќе го заземе Јуки Цунода.
Во пресрет на гран-при возбудувањата во Јапонија, Ферстапен имал средба со новинарите, појаснувајќи дека „лајкот“ на Инстаграм е потврда за неговиот став околу ова прашање.
– Го лајкнав коментарот, текстот, тоа веројатно кажува се што е потребно, нели? – рекол Ферстапен, кој како и вообичаено не сакал предетално да навлегува во темата.
– Се што мислам на оваа тема е кажано од моја страна кај одговорните во тимот, но понекогаш не е потребно се да биде пренесено во јавноста. Мислам дека е подобро така, – вели најголемиот адут на Ред Бул.
Инаку, Макс и медиумите зборувал за Инстаграм коментар на поранешниот холандски Ф1 пилот, Гидо ван дер Гард, кој важи за близок пријател на Ферстапен сениор.
