Како што беше најавено, денеска во просториите на ФФМ се одржа последната ждрепка за овогодинешното издание на Купот, па така со полуфиналните извлекувања ги добива двата пара од кои ќе биде одреденото големото финале.
Ждрепката посака да видиме директна пресметка меѓу актуелниот македонски шампион Струга и лидерот во тековниот дел од шампионатот, екипата на Шкендија, па тоа автоматски беше најдобар вест за Вардар.
Скопскиот тим изгледа далеку подобро во вториот дел од сезоната и ја намерачи титулата во Купот уште на самиот старт на годината, а сега дозна дека последна пречка до финалето ќе биде екипата на АП Брера.
Вардар мина навистина најдобро на денешното извлекување, па како голем фаворит ќе влезе во двомечот со струмичкиот тим кој е во опасната зона на табелата.
Во оваа фаза од Купот се играат по два натпревари (дома и гости), а првите пресметки се на програмата на 9-ти април.
