Го зел прекарот на убиениот младич

Имено, Кертис своето детство го поминал во Квинс, Њујорк. Тој израснал без татко, а мајка му била убиена, па живеел кај баба му и дедо му. Кога имал 12 години почнал да се дрогира. Во Бруклин живеел младич по име Келвин Мартин, кој инаку бил крадец, а чиј прекар бил „50 Cent“. Постојат неколку теории за тоа од каде Мартин го добил прекарот.

Една теорија вели дека вложил 50 центи додека се коцкал и освоил 500 долари. Друга приказна вели дека Мартин ограбувал секого за која било сума на пари – дури и за само 50 центи. Третата теорија се однесува на неговата висина и тежина. Имено, тој бил висок 157 сантиметри и тежок 54 килограми.

Мартин починал во 1987 година, на 23-годишна возраст. Тој бил застрелан на скалите од зградата на неговата девојка, а четири дена подоцна починал во болница. Хулио Ацеведо бил осуден за убиство од небрежност и ја отслужил затворската казна, а Кертис имал 12 години кога Мартин бил убиен.

Метафора за промена

Оваа ситуација и употребата на името „50 Cent“ ја доживеал како метафора за промена. Покрај тоа што бил вклучен во матни зделки како и Мартин, исто така и Кертис бил застрелан повеќе пати пред да стане познат рапер.

„Го зедов името 50 Cent затоа што кажува сè што сакам да кажам. Јас сум истата личност како и 50 Cent. Заработувам за живот на секој начин“, рекол Кертис.

Од друга страна на социјалните мрежи се појавија многу коментари во врска со целата оваа приказна. Еден корисник на „Reddit“ напишал: „Тој рече дека тоа е метафора за промена. 50 Cent е иднината“.

Исто така некои обожаватели се потсетиле дека документарецот наречен „The Infamous Times, Volume I: The Original 50 Cent“ бил снимен за Келвин Мартин и дека Кертис дури давал изјави во тој филм.