Финска планира да ја напушти глобалната конвенција за забрана на противпешадиски мини и да ги зголеми трошоците за одбрана на најмалку три проценти од БДП до 2029 година како одговор на растечката воена закана од Русија.
Ова го соопшти финската влада, пренесува Ројтерс.
Полска и балтичките земји – Естонија, Летонија и Литванија – минатиот месец објавија дека се повлекуваат од Конвенцијата од Отава од 1997 година поради заканата што Русија ја претставува за нив и за Европа.
Финска, која има најдолга граница со Русија од сите членки на НАТО, со напуштањето на договорот би можела повторно да започне со складирање нагазни мини за да ѝ бидат достапни доколку се појави потреба.
На прес-конференција, премиерот Петри Орпо изјави дека во моментов нема непосредна воена закана за нордиската нација, но дека Русија претставува долгорочна опасност за цела Европа.
„Повлекувањето од Конвенцијата од Отава ќе ни овозможи поцелосно и посеопфатно да се подготвиме за промените во сегашната безбедносна средина“, рече тој.
Тој додаде дека Финска ќе одвои дополнителни три милијарди евра за одбраната, со што воените трошоци ќе се зголемат од 2,41 отсто од БДП во 2024 година на три отсто до 2029 година.
The Finnish Government has today taken two key decisions, reflecting the changes in our security environment.
— Alexander Stubb (@alexstubb) April 1, 2025
First, Finland will raise its defence expenditure to 3% of GDP by 2029. This is a part of Finland’s contribution to Europe taking greater responsibility for our own…
„Ова е дел од придонесот на Финска за Европа, која презема поголема одговорност за сопствената одбрана“, напиша финскиот претседател Александар Стуб на Х.
Финска се приклучи на НАТО во 2023 година, означувајќи значаен политички пресврт по децении неутралност.
