Додека многумина едвај чекаат потопли денови, на некои дестинации можете да уживате во сончево време во текот на целата година.

Египет ја носи титулата најсончева земја во светот, со импресивни 3.756,4 сончеви часови годишно. Сонцето таму не свети само во лето, дури и во февруари во Египет можете да уживате во 257,5 часа сонце, што го прави совршена дестинација за оние кои сакаат да избегаат од студените денови, пишува „Мирор“.

Египет има бројни дестинации кои вреди да се посетат, а меѓу нив се издвојува Каиро, неговиот раздвижен главен град кој се наоѓа покрај реката Нил.

Посетителите можат да ги истражуваат Египетскиот музеј и Националниот музеј на египетската цивилизација, како и да видат прекрасни џамии и цркви.

Недалеку од Каиро се наоѓа Гиза, дом на познатите пирамиди и Големата Сфинга. За да го искористите максимумот од вашата посета, размислете за приватни или групни тури.

Најсончевите земји во светот:

1. Египет

2. Намибија

3. Судан

4. Обединети Арапски Емирати

5. Оман

6. Боцвана

7. Еритреја

8. Чад

9. Мавританија

10. Кипар

Земји со најмалку сончеви часови

Додека некои делови од светот уживаат во изобилство на сончеви денови, постојат земји кои се познати по нивната мрачна и облачна клима. Фарските Острови го заземаат првото место на листата на најмрачни дестинации, потоа Исланд, Сен Пјер и Микелон и Ирска.

Велика Британија, Белгија, Швајцарија, Полска и Литванија не можат да се пофалат со голем број сончеви часови, додека интересно е што на листата се најде и Екваторијална Гвинеја, единствената земја од тропската зона.

Љубителите на потопло време можеби ќе ги заобиколат овие дестинации, но за оние кои сакаат мистична атмосфера и посвежо време, овие земји можат да бидат идеален избор.