Украинскиот претседател Володимир Зеленски, по вчерашниот договор за ограничен прекин на огнот меѓу американскиот претседател Доналд Трамп и Владимир Путин, изјави дека рускиот претседател планира неколку нови офанзиви.
„Путин сака да почне неколку офанзиви во правец на Запорожје, на исток, во правец на Харков и Суми, со цел да изврши максимален притисок врз Украина. Тој ќе се обиде да го направи тоа во наредните месеци. И не му е грижа колку од неговите луѓе ќе загинат“, рече Зеленски.
President Zelenskyy:
— Anton Gerashchenko (@Gerashchenko_en) March 19, 2025
"Putin wants to conduct several offensives in the Zaporizhzhia direction, in the east, in the Kharkiv and Sumy directions to put maximum pressure on Ukraine. He will try to do all this in the coming months. And he doesn't care how many of his people die.… https://t.co/g4dD9Mdm0m pic.twitter.com/jjGzQit1gY
„Тој, заедно со неговите Севернокорејци, пријателите од Иран и дроновите ‘Шахед’, сака да влезе во нашите територии што е можно повеќе за во некој момент да повика на прекин на огнот со ултиматум за Украина за да се најде во поповолна ситуација и да изврши максимален притисок врз Украина, нашиот народ и мене лично. Тоа е факт“, рече Володимир Зеленски.
