Русија сака да соработува со Илон Маск во развојот на вселенската агенција „Роскосмос“ и во идните мисии кон Марс. Кремљ гледа потенцијал за вселенска соработка, и покрај затегнатите односи со САД, пишува "The Independent".
Претседателскиот претставник на Владимир Путин за меѓународна соработка, Кирил Дмитриев, изјави дека Русија е заинтересирана за партнерство со Маск во областа на вселенската технологија.
„Нашите непријатели се обидуваат да ги поткопаат напорите на претседателот Доналд Трамп за обновување на дијалогот со Русија“, рече Дмитриев.
Тој додаде дека Русија сака да работи со Маск за унапредување на „Роскосмос“ и државната нуклеарна корпорација „Росатом“.
„Мислам дека во блиска иднина сигурно ќе разговараме со Маск за летови на Марс“, изјави Дмитриев.
Русија во 2022 година најави дека ќе почне да работи на сопствена мисија за Марс, откако Европската вселенска агенција (ESA) ја суспендираше заедничката мисија поради руската инвазија врз Украина.
