Синоќа дошло до судир меѓу студентите и полицијата во Нови Сад, кога студентите кои од полноќ ги блокирале влезовите во Градското собрание, биле пречекани со интервенција на безбедносните сили. Според информациите кои ги пренесува Н1 Србија, при интервенцијата биле повредени неколку студенти.
Околу 2 часот и 30 минути жандармеријата се појавила на улицата „Стражиловска“ и на булеварот „Михајло Пупин“, а потоа се позиционирала на оградата пред Градската управа. Студентите се нашле помеѓу жандармеријата и интервентната полиција. Една група студенти останала на главниот влез, додека друга група го блокирала задниот влез во зградата.
Repression in #serbia continues toward the students and citizens.
— Marko Tiosavljevic (@mtiosavljevic) March 18, 2025
Currently in #NoviSad #Serbia pic.twitter.com/ThKSelfslf
Во тој момент од правец на дворот се појавила интервентната полиција која почнала да ги тепа луѓето со палки за насилно да ги отстрани студентите кои го блокирале влезот. Во судирот се повредени неколку студенти. Потоа, интервентната полиција се обидела да ги турне студентите кон жандармеријата, продолжувајќи да употребува сила.
Policija je prilikom intervencije koristila pendreke nad studentima u Novom Sadu. pic.twitter.com/FzJYrS9q1m
— Razglasnews (@razglasnews) March 18, 2025
По кратка гужва и викање, ситуацијата се смири. Ситуацијата во Србија и понатаму е тензична по големиот протест во Белград минатата сабота.
