"Apple" оваа година планира да го претстави новиот "iPhone 17 Air", кој ќе се издвојува со својот ултра-тенок дизајн. За да го постигне овој изглед, компанијата е подготвена на бројни компромиси и иновации, а една од најголемите промени би можело да биде отстранувањето на физичкиот приклучок за полнење. Ако се остварат овие планови, "iPhone 17 Air" ќе стане првиот "iPhone" без никакви конектори.

Последниве години кружат гласини дека "Apple" се движи кон целосно безжичен дизајн без физички приклучоци. Компанијата веќе почна да го подготвува теренот за оваа промена – на пример, со отстранување на физичките "SIM картички во американската верзија на "iPhone 16" и воведувањето на "eSIM" технологијата. Дополнително, "MagSafe" безжичното полнење станува сè попопуларно, намалувајќи ја потребата за жици и кабли.

Според најновиот извештај на "Bloomberg", "Apple" првично планирал "iPhone 17 Air" да биде целосно безжичен уред, со подобрена брзина на безжично полнење и пренос на податоци исклучиво преку cloud услуги.

Сепак, овој план на крајот бил отфрлен, поради што на најновите прототипови на "iPhone 17 Air" сè уште може да се забележи "USB-C" приклучок.

Зошто "Apple" се откажа од планот за "iPhone" без приклучоци?

Главната причина за оваа одлука се европските регулативи. Според новите закони во ЕУ, сите производители на телефони се обврзани да поддржуваат "USB-C" приклучок, што веќе го натера "Apple" да го напушти "Lightning" стандардот.

И покрај тоа, изгледа дека "Apple" сè уште не се откажува целосно од визијата за "iPhone" без никакви портови – само прашање на време е кога ќе ја реализира оваа идеја.