Кон крајот на октомври 2025 година, "Microsoft" ќе ја прекине поддршката и ажурирањата за "Windows 10", што значи дека корисниците кои сè уште го користат овој оперативен систем ќе мораат да најдат решение за да ја зачуваат безбедноста на своите компјутери.

И додека многумина размислуваат за надградба на "Windows 11", "Google" неодамна понуди бесплатна алтернатива – "ChromeOS".

Овој оперативен систем, базиран на веб-прелистувачот "Chrome", претставува едноставно и лесно решение со минимални хардверски барања. Тој е идеален за корисници кои сакаат да продолжат со работа без потреба од скапи надградби.

"Google" нуди бесплатна алтернатива за корисниците на "Windows 10"

"Microsoft" најави дека октомври 2025 година ќе означи крај на поддршката за "Windows 10", што значи дека корисниците повеќе нема да добиваат безбедносни ажурирања и техничка помош.

За оние кои сакаат да ги зачуваат своите компјутери безбедни, постојат неколку опции, а најзабележителна е надградбата на "Windows 11". Сепак, "Google" нуди бесплатна алтернатива во форма на "ChromeOS" – оперативен систем базиран на "Chrome" пребарувачот.

Како да преминете на "ChromeOS"?

За корисниците на "Windows 10" кои сакаат да преминат на "ChromeOS", потребно е нивниот компјутер да има процесор од 2010 година или понов, најмалку 4 GB RAM и 16 GB слободен простор за податоци. Ова значи дека повеќето постари компјутери кои користат "Windows 10" можат да го инсталираат "ChromeOS" без потреба од нов хардвер.

Пет предности на "ChromeOS" за корисниците на "Microsoft 365"

"Google" се насочи кон корисниците на "Microsoft 365" кои се во дилема дали да го надградат својот оперативен систем. Според неодамнешен блог пост, "ChromeOS" нуди неколку клучни предности кои го прават атрактивно решение:

1. Слично искуство со десктоп околина – "ChromeOS" е дизајниран така што нуди познато искуство на корисниците на "Windows", овозможувајќи лесен премин кон овој систем.

2. Поддршка за "Microsoft EntraID" – "ChromeOS" поддржува "Microsoft" алатки за автентикација, како што е "Microsoft EntraID", овозможувајќи лесен пристап до "Microsoft 365" сервисите.

3. Интеграција со "Microsoft OneDrive" – Бидејќи многу корисници ги чуваат своите податоци на "Microsoft OneDrive", "ChromeOS" нуди беспрекорна интеграција со овој "cloud" сервис, што го прави процесот на премин уште полесен.

4. "Cloud-first" пристап – "ChromeOS" главно се потпира на "cloud" технологија, што значи дека корисниците не мораат да ги чуваат податоците локално, туку сите информации може да бидат зачувани во облакот. Ова ја зголемува безбедноста и овозможува пристап до податоците од кој било уред.

5. Далечинско управување со уреди – "IT" администраторите можат лесно да управуваат со уредите кои користат "ChromeOS", што е особено корисно за корпоративни корисници и организации кои сакаат централизиран систем на контрола.

Зошто "Google" се насочува кон корпоративните корисници?

"ChromeOS" претставува евтина и ефикасна алтернатива за корпоративните клиенти кои бараат сигурно решение за уредите што ќе се користат во деловни средини. Овој оперативен систем не само што е полесен за управување и одржување, туку нуди и високо ниво на безбедност преку "cloud", што е особено важно за компаниите кои сакаат да ги заштитат чувствителните податоци на своите корисници.

Како резултат, "Google" се фокусира на привлекување "IT" администратори и менаџери кои бараат економично, но ефективно решение за замена на старите "Windows 10" компјутери, особено во малите и средни претпријатија кои сакаат да ги намалат трошоците и истовремено да ја подобрат безбедноста.