Легендарниот актер Џек Николсон по долго време се појави во јавноста. Тој беше на настан организиран за прослава на 50-годишнината од американското шоу „Saturday Night Live“. Шоуто прослави 50 години од емитувањето со тричасовен специјал.
Џек седел во публиката и го претстави Адам Сендлер, кој свиреше и пееше на сцената.
„Дами и господа, Адам Сендлер“, рекол Николсон и добил овации од публиката. До актерот седеше неговата ќерка Лорен.
Џек седел во публиката во близина на Вил Ферел, Роберт Де Ниро, Блејк Лајвли и Рајан Рејнолдс.
Едно од неговите последни јавни настапи беше пред две години, кога беше фотографиран на кошаркарски натпревар на „ЛА Лејкерс“ во мај 2023 година со неговиот син Реј.
Ќерката на Џек Николсон објави ретка фотографија од него
Лорејн на почетокот на јануари ги воодушеви своите следбеници со фотографија од нејзиниот татко кој наскоро ќе наполни 88 години. На фотографијата се гледа како Лорејн која тргна по стапките на својот татко, го прегрнува Џек.
„Тој е мојот ментор. Продолжувам со семејниот бизнис бидејќи сме многу блиски, а тој е инспирација. Му се восхитувам“, рекла таа. Таа ги спомна и семејните совети кои се пренесуваат од генерација на генерација.
Својот последен филм го сними во 2010 година
Последниот филм во кој глумеше беше „Како знаеш“ од 2010 година. Некои извори неодамна рекоа дека Џек се бори со деменција и не може да се сети на стиховите. Сепак, Бил О’Рајли, водителот на „Фокс Њуз“, се огласи по таа изјава и рече дека тоа е глупост.
Џефри Мекнаб минатата година зборуваше за „Индпендент“ за отсуството на Џек од јавниот живот.
„Поминаа 14 години од неговиот последен филм. Неговиот пријател, музичкиот продуцент Лу Адлер, изјави на поткаст дека Николсон сега претпочита да го поминува своето време читајќи книги. Тоа е веројатно заслужено, иако е неофицијално пензионирање“, рече тој.
