Во Скопје утрово паѓа снег. Според прогнозата во главниот град денеска повремено ќе има врнежи од снег, а температурата се очекува да достигне до 6 степени.
Снег паѓа и во останатите делови од земјава.
Висината на снежната покривка утрово во 7 часот била 29 сантиметри на Попова Шапка, 7 во Маврови Анови и 1 во Крива Паланка.
Утрово најстудено било во Маврови Анови каде што се измерени -3 степени, -2 било на Попова Шапка, -1 во Крива Паланка, 1 во Крушево, Виница и Тетово, 2 во Скопје-Зајчев Рид, Штип, Берово Охрид, Битола, Велес и Претор, 3 во Кавадарци и Прилеп, 4 во Демир Капија и Струмица, 5 во Скопје-Петровец, 6 Гевгелија.
Во наредните денови се очекува облачно време со повремени врнежи, на планините и на некои повисоки места од снег, а во пониските од дожд и услови врнежите повремено да преминуваат во снег.
Ќе дува умерен до засилен северен ветер. Од вторник облачноста ќе се намалува, а од среда времето ќе биде претежно сончево со ниски утрински температури.
Снег во Скопје
https://makfax.com.mk/makedonija/%d0%b2%d0%b8%d0%b4%d0%b5%d0%be-%d0%bf%d0%b0%d1%93%d0%b0-%d1%81%d0%bd%d0%b5%d0%b3-%d0%b2%d0%be-%d1%81%d0%ba%d0%be%d0%bf%d1%98%d0%b5-%d0%b2%d1%80%d0%bd%d0%b5%d0%b6%d0%b8-%d1%81%d0%b5-%d0%be%d1%87/?swcfpc=1
Posted by Makfax on Monday 17 February 2025
