Грбав кит накратко проголта кајакар крај брегот на чилеанска Патагонија пред брзо да го ослободи неповреден, а сето тоа беше снимено на камера.
Минатата сабота, Адриан Симанкас веслал кајак со својот татко Дел во Баја Ел Агила, во близина на светилникот Сан Исидро во теснецот Магелан, кога од водата одеднаш се појавил кит и неколку секунди го проголтал Адриан заедно со неговиот жолт кајак. Потоа го „плукна“
Дел, кој бил на само неколку метри, успеал да го сними неверојатниот момент на камерата.
„Остани мирен, остани смирен“, се слуша како вели тој откако неговиот син излегол од устата на китот. „Мислев дека тоа е крајот“, изјави Адријан за Асошиетед прес. „Бев убеден дека ме изеде, дека ме проголта“.
Тој додаде дека вистинскиот ужас го зафатил дури откако излегол на површина, плашејќи се дека огромниот кит може да му наштети на неговиот татко или тој да загине во ледената вода.
Неколку моменти подоцна успеал да доплива до кајакот на неговиот татко. И покрај шокот, и двајцата се вратиле безбедно на брегот, неповредени.
