Стотици жители на Цетиње запалија свеќи за 12 жртви, меѓу кои и две деца, убиени на први јануари.
Палењето свеќи за невините жртви на жителите на Цетиње беше организирано и на централниот плоштад во Подгорица, каде насобраните се запишаа во книгата на жалост.
„Подгорица отсекогаш била и ќе биде до Цетиње, подеднакво не болат раните на нашето Цетиње. Нашето заедништво, солзи и молитва нека им даде сила на оние на кои им е најпотребно во овој тежок момент“, рече градоначалникот на Подгорица Саша Мујовиќ.
Во Црна Гора беше прогласена тридневна жалост поради трагедијата во Цетиње, а денеска ќе заседава Советот за национална безбедност.
