Австриското обвинителство отвори истрага.
Член на екипажот на патнички авион го загуби животот откако авионот принудно слета, а густ чад ја исполни кабината поради дефект на моторот за време на летот од Букурешт до Цирих.
Авионот Ербас А220-300, со 74 патници и пет членови на екипажот, на 23 декември итно и непланирано слета во Грац, Австрија. Патниците и екипажот беа евакуирани, а на лице место беше укажана помош на 12 лица. Еден член на екипажот со хеликоптер беше пренесен во болница на интензивна нега.
Друг член на екипажот исто така беше пренесен во болница, но за жал, еден од нив почина една недела подоцна.
Со најголема тага и жалење информираме дека нашиот млад колега почина во болница во Грац во понеделникот – изјави портпаролот на швајцарската авиокомпанија.
Длабоко сме потресени од смртта на нашиот драг колега. Нашите мисли се со неговото семејство, кое поминува низ незамислива болка. Изразувам искрено сочувство во името на сите нас во Швајцарија – рече извршниот директор на авиокомпанијата, Јенс Фелингер.
Првичните испитувања покажуваат дека технички дефект на еден од моторите предизвикал испуштање на густ чад во кабината и пилотската кабина. Австриското обвинителство отвори истрага.
