Повеќе од две децении откако Кејт Хадсон и Метју Меконахи нè освоија со улогите на Енди и Бен во романтичната комедија „Како да го изгубите момчето за 10 дена“ (How To Lose A Guy In 10 Days), доаѓа долгоочекуваното продолжение.
Според медиумите, Хадсон и Меконахи се враќаат во нивните оригинални улоги, додека заплетот на филмот го носи работниот наслов „Како да изгубите момче за 10 дена – повторно“. Овој дел ги следи Eнди и Бен додека се подготвуваат за нивната венчавка, со предизвици што ги носи турбулентниот однос на Енди со нејзината мајка. Сепак, вистинското задоволство за обожавателите би можело да биде учеството на Голди Хоун, вистинската мајка на Кејт Хадсон.
Иако Хадсон со цело срце се залага нејзината мајка да ја преземе улогата на мајка на Енди, се вели дека Хоун се двоуми. Причината е што сценариото предвидува заладен однос помеѓу мајката и ќерката, што може да биде предизвик за Голди Хоун со оглед на блискоста што ја дели со нејзината ќерка во реалниот живот.
„Голди е загрижена дека ќе ѝ биде тешко да глуми мајка која е во расправија со својата ќерка, бидејќи во реалноста тие се повеќе како сестри“, открил извор за медиумите.
Тој додава дека Хадсон неуморно ја убедува мајка си да ја прифати улогата, но конечната одлука се уште не е донесена.
Продукцијата повторно ќе биде предводена од Кристин Питерс и нејзината компанија „Мармонт лејн ентертејмент“, а снимањето ќе започне следната година. Оригиналниот филм од 2003 година стана класика благодарение на неговите духовити заплети, блескавата хемија помеѓу главните актери и незаборавните сцени. Новото продолжение веќе привлекува големо внимание, а фановите со нетрпение го очекуваат враќањето на оваа легендарна романтична приказна – овој пат со додавање на семејна динамика која ветува ново ниво на емоции и хумор. Дали Голди Хоун ќе попушти и ќе се приклучи на екипата? Останува да видиме, но едно е сигурно – филмската година пред нас ветува незаборавно враќање во светот на романтичните комедии.
Денес
