Во интервју за подкастот Awards Chatter на The Hollywood Reporter, Греј призна дека на снимањето на една од најемотивните сцени, Свејзи бил пијан, а таа била под дејство на марихуана.

„Бевме во вреќа за спиење, тој беше нервозен и пијан. Не го знаеше целиот текст, а јас бев параноична од тревата што ја пушев. Не спиев цела ноќ и бев страшно исплашена,“ сподели актерката.

Од конфликт до хемија на екран

Греј истакна дека нивната љубовна сцена била снимена без репетиции, што придонело за автентичноста на моментот. Призна дека пред снимањето имале конфликти кои траеле уште од претходниот заеднички проект „Црвената зора“.

„Имавме недоразбирања, а јас се двоумев дали да работам со него. Но, тој ми се извини и ми рече дека ме почитува и дека можеме да направиме нешто неверојатно,“ раскажа Греј.

Таа додаде дека искреноста и емоциите кои се чувствувале на снимањето го направиле „Dirty Dancing“ безвременски хит, а хемијата меѓу неа и Свејзи е дел од магијата која публиката ја чувствува до денес.