„Беше многу напнато“: Принцезата Дијана го прекрши протоколот за време на нејзиниот прв Божиќ со кралското семејство

Иако беше родена во големо богатство, божиќните празници на принцезата Дијана изгледаа весели и магични однадвор, но за неа не носеа ништо убаво.

Првите празници со семејството на вашиот партнер секогаш можат да бидат стресни, но кога вашиот свекор буквално е дел од кралското семејство, тоа е сосема друго ниво. Замислете како се чувствувала принцезата Дијана при својот прв Божиќ со Виндзорите, кога притоа го прекршила кралскиот протокол.

Според биографот на Дијана, Ендрју Мортон, автор на книгата Дијана: Нејзината вистинска приказна со свои зборови, принцезата „мразела“ да го поминува Божиќ со кралското семејство откако нејзиното прво празнично искуство се претворило во катастрофа.

Мортон открива дека Дијана тогаш била бремена со принцот Вилијам и страдала од утрински мачнини. Сепак, нашла време да „купи внимателни и скапи подароци за своето ново семејство“, пишува Vanity Fair.

Меѓутоа, на Бадник доживеала шок кога открила дека членовите на кралското семејство си подаруваат само смешни и несериозни подароци. На пример, таа ѝ подарила кашмирски џемпер на принцезата Ана, а за возврат добила држач за тоалетна хартија.

Беше многу напнато. Знам дека дадов, но не се сеќавам што добив. Зарем тоа не е страшно? Ги подготвувам сите подароци, а Чарлс само ги потпишува картичките. Беше страшно и многу разочарувачко. Без весело однесување, само напнатост, глупави шеги кои би биле чудни за аутсајдерите, но разбирливи за упатените – изјавила Дијана за Мортон и додала:

Сигурно сум била аутсајдер.

Нејзиниот фризер Ричард Далтон имал слично мислење за празниците со кралското семејство.

„Принцезата мразеше да оди во Сандрингам за Божиќ“, се сеќава Далтон, според Кити Кели во книгата Кралеви.

Ситуацијата дополнително се влошила кога нејзиниот брак со Чарлс почнал да се распаѓа во доцните 1980-ти.

Обично добивав повици од неа на Бадник кога беше сама. Секогаш кога разговаравме, разговорите се сведуваа на стратегии. Што да правиме понатаму? – изјавила нејзината пријателка Тина Браун во книгата Diana's Chronicles.

Дијана и Чарлс формално се разделија на 9 декември 1992 година, а само неколку недели подоцна Дијана го поминала првиот Божиќ далеку од своите синови.