Планетата Земја се разделува од астероид кој во последните два месеци беше наречен „мини-месечина“.
Безопасната вселенска карпа ќе се „отцепи“ утре, совладана од посилната сила на сончевата гравитација, но повторно ќе се приближи во јануари следната година, пренесе „Associated Press“.
НАСА потоа ќе користи радарска антена за да го набљудува астероидот долг 10 метри.
Тоа би требало да го продлабочи разбирањето на научниците за објектот познат како 2024 PT5, најверојатно карпа што се отцепила од Месечината кога астероид удрил во неа.
Иако технички не е месечина, НАСА нагласува дека никогаш не била заробена од гравитацијата на Земјата и дека била целосно во орбитата.
The 'mini moon' asteroid is making scientists think it might've been a huge chunk of our actual moon. https://t.co/LN2dQFuUxo
— KSL 5 TV (@KSL5TV) November 24, 2024
Браќата астрофизичари Раул и Карлос де ла Фуенте Маркос од Универзитетот Комлутенсе во Мадрид го идентификуваа „однесувањето на мини-месечината“.
Во јануари, ќе помине на 1,8 милиони километри од Земјата, одржувајќи безбедно растојание пред да „лета“ понатаму во Сончевиот Систем додека орбитира околу Сонцето, за да се врати до 2055 година.
Сегашните податоци сугерираат дека за време на неговата посета во 2055 година, астероидот кој орбитира околу сонцето повторно ќе направи привремена и делумна орбита околу Земјата.
