Украинскиот претседател Володимир Зеленски изјави дека Крим, полуостров анектиран од Русија во 2014 година, ќе мора да и биде вратен на Украина преку дипломатски канали, а не преку воена сила.
Во интервју за „Фокс њуз“, снимено во Украина додека бил во воз, Зеленски нагласи дека Украина не може да си дозволи да изгуби толку многу животи што би биле потребни за воена опсада на Крим.
„Веќе спомнав дека дипломатски сме подготвени да го вратиме Крим“, рече Зеленски, додавајќи дека Украина „не може законски да признае кој било окупиран дел од Украина како руски“.
