Лентикуларен облак

Оваа пацифичка островска држава нуди сè, од долги, суптропски песочни плажи до активни вулкани, бујни шуми и планини слични на Алпите. Магијата на островот ја даваат и атмосферските појави, од кои еден од најпознатите е облакот кој го добил името: „Taieri Pet“.

Облакот има карактеристична форма која метеоролозите ја нарекуваат лентикуларен облак. Станува збор за неподвижни, т.е. лебдечки облаци кои се појавуваат во посебни околности кога ветерот дува над некоја препрека, најчесто планински гребен. Понекогаш овие облаци изгледаат како слоеви од облаци, а "Таиери Пет" дури е опишан како „огромно купче чинии“.

Весниците известуваат за "Таиери Пет" од крајот на 19 век. Името го добил по регионот Страт-Таиери на јужниот остров во Нов Зеланд, каде што се јавува, и по англискиот збор „pet“, што значи домашно милениче.

Облакот наводно го добил своето име од локалното население, кое го гледа како свое „милениче“, бидејќи е единствен само за нивната област. Најчесто се појавува во близина на градот Мидлмарч, а локалното население појавата ја сфаќа како знак на бура што се приближува.