Американците ја бомбардираа Србија во 1999. НАТО 78 дена по ред го бомбардираше главниот град Белград за да ја распарчи земјата. Тоа не им се допадна на Русите – изјави американскиот професор Џефри Сакс за време на предавањето што го одржа пред две недели на Универзитетот Колумбија.
Сакс додаде дека Полска, Унгарија и Чешка се приклучија на НАТО во 1999 година, а САД „го предводеа бомбардирањето на Србија“.
Во врска со војната во Украина, тој рече дека „се започнало во 90-тите“, кога тогашниот американски државен секретар Џејмс Бејкер му ветил на Михаил Горбачов дека НАТО „нема да мрдне ниту милиметар на исток“ доколку Советскиот Сојуз ја признае обединета Германија, а потоа САД „почнал да мами“ и американскиот претседател Бил Клинтон во 1994 година го потпишал планот за проширување на НАТО сè до Украина.
Сакс на предавањето оцени дека медиумските написи за Путин како „Хитлер“ и „лудак“ не се точни.
„Ова е чиста американска пропаганда, ние играме игри овде“, рече Сакс.
Interesting pic.twitter.com/61G9RKibAY
— Elon Musk (@elonmusk) November 12, 2024
Маск за предавањето на професорот објави коментар: „Интересно“.
Во периодот од 2001 до 2018 година, Џефри Сакс беше специјален советник на генералниот секретар на ОН.
