Русија почна масовно да користи термобарични боеви глави на борбените беспилотни летала Шахед-136, кои сега претставуваат многу поголема закана при напади врз згради, објавија украинските медиуми.
Како што пренесува „Украинска правда“, постоењето на термобарична боева глава е познато уште од април годинава, но сега повеќето од беспилотните летала кои ги напаѓаат украинските градови се опремени токму со таа муниција.
This past hour, Russians hit the residential areas of Odesa with swarms of drones equipped with thermobaric warheads.
— KyivPost (@KyivPost) November 7, 2024
Rescuers are on scene at several locations across the city. pic.twitter.com/g8x1cf7Vme
Деталите за оваа страшна муниција се познати благодарение на хакирањето на серверите во Алабуга, Татарстан, каде се склопуваат и модернизираат овие дронови. Според овие податоци, боевата глава TB BCh-50 има маса од 52,4 кг, што покрај термобарниот ефект има и ефект на фрагментација поради 2306 ударни елементи во вид на топчиња со пречник од 9 мм.
Russia is now using thermobaric warheads on Shahed drones, modified to inflict more harm on civilians. These high-explosive warheads create a “fire cloud” that spreads widely.
— Maria Avdeeva (@maria_avdv) November 7, 2024
Video of a drone over Kyiv this morning pic.twitter.com/x61iTYVLFT
Ова термобарско оружје е модерен модел со едностепен ефект. Кај модерната едностепена муниција, по детонацијата на почетната капсула, ударниот бран предизвикува движење на термобаричната смеса, која во интеракција со воздухот создава пламен облак со температура од 2400-2600°C. Експлозивниот бран се шири низ целата област и влијае на белите дробови, ушите и другите органи на луѓето во близина.
