Долго чекавме „Netflix“ да ја добие функцијата што ја имаат многу апликации – и тој ден конечно дојде.
Досега не можеше да се прават слики од екранот додека се гледа „Netflix“, но тоа се промени. Според компанијата, корисниците ќе можат да креираат и споделуваат слики од екранот.
Новата функција се вика „Netflix Moments“ и е претставена на корисниците со оперативниот систем „iOS“ (односно за корисниците на iPhone).
На корисниците им е овозможено да го паузираат филмот или серијата што ги гледаат, потоа да ја зачуваат сцената на својот профил, па да ја споделат со пријателите преку социјалните мрежи, апликациите за пораки итн.
Корисниците ќе можат да видат сè што е зачувано во делот „My Netflix“, а во следните неколку недели оваа функција ќе дојде и кај телефоните со „Android“.
