Актерот Роџер Мур е еден од најомилените актери што го играше Џејмс Бонд. Но, не беа само неговите мајсторски одиграни улоги кои го доведоа во центарот на медиумското внимание, туку и неговиот љубовен живот беше нешто што ги заинтригира новинарите и го направи еден од најинтересните актери од тоа време.
Сер Роџер Мур (1927 - 2017) беше англиски актер најпознат по улогата на британскиот таен агент Џејмс Бонд во дури седум филмови од 1973 до 1985 година.
Како дете бил болежлив, а еднаш толку му се слошило што лекарот по прегледот им рекол на родителите дека ќе се врати наутро да ја потпише неговата умреница. Дури многу години подоцна Мур открил дека татко му го продал својот мотоцикл за да плати за лекувањето на неговиот единствен син.
Го напуштил училиштето кога имал 15 години и работел различни физички работи, но ниедна не му одговарала, а потоа во 1945 година добил шанса да се појави како статист во филмот „Цезар и Клеопатра“ со Вивијан Ли. Тој го привлече вниманието на режисерот Брајан Дезмонд Херст, кој виде потенцијал во него и го повика да се запише на училиште за глума. За многумина, неговата харизма беше она што го издвои во морето од други слични актери. Жените ги привлекуваше како магнет, а ниту тој не остана рамнодушен на нивниот изглед и допири.
Додека студирал глума на 17-годишна возраст, Роџер ја запознал својата прва сопруга, лизгачка на мраз, која била шест години постара од него и имала мал син. Таа се појави во неколку филмови под уметничкото име Дорн ван Штајн, но нејзиното вистинско име беше Луси Водард. Мур беше маѓепсан од неа, па дури и научи да лизга за да и се приближи. Тие се венчаа кога тој имаше само 18 години.
Многу неволји, од финансиски проблеми до нејзините патувања, доведоа до разделба.
Роџер влезе во втор брак со пејачката Дороти Сквирис. Тој се појавил на една од нејзините забави и веднаш и паднал во очи. Истата вечер кога се запознале, завршиле заедно во кревет. Таа ја ставила својата кариера во мирување поради него и целосно се посветила на тоа да го направи ѕвезда.
И покрај тоа што таа максимално се залагаше за него, неговите апетити ја надминаа дури и таа љубов, кога на почетокот на 1960-тите ја запозна италијанската актерка Луиза Матиоли.
Откако раскинаа, таа беше речиси на работ на нервен слом. Нивната разделба ѝ била толку тешка што во една прилика ги скршила сите прозорци од куќата во која актерот започнал нов живот со Матиоли.
После тоа го тужела, но тој спор не завршил како што таа сакала.
И покрај сите проблеми, љубовта меѓу Мур и Матиоли преживеа и тие решија да застанат на лудиот камен во 1969 година во Лондон. Нивниот брак е еден од најдолготрајните во Холивуд и траеше цели 24 години. Од таа голема љубов имаа три деца. Идилата траеше до 1993 година.
Матиоли, исто како и нејзината претходничка, ја доживеа истата судбина кога нејзиниот сопруг почна да покажува наклонетост кон најдобрата пријателка на неговата сопруга, Кристина Кики Толстрап.
Пријателството беше прекинато, а години подоцна Матиоли го претвори своето сведоштво за неуспехот на нејзината љубов со Мур во книга наречена „Ништо не трае вечно“.
Луиза реагираше слично на нејзината претходничка Дороти. Рекла дека тој е мртов за неа и дека е луд, а нивните деца со години не разговарале со нивниот татко. Набргу откако се ожени со Кики, тој повторно се поврза со својата втора сопруга Дороти, за прв пат по многу години. Кики остана со него додека не почина по долга борба со ракот во 2017 година.
И додека Матиоли често знаеше да зборува за своите чувства по раскинувањето со познатиот актер, тој речиси никогаш не се огласуваше во медиумите. Актерот само еднаш рекол дека ја сака Толстрапова затоа што е „организирана, мирна, полна со љубов и смирена“.
