"Netlfix" неодамна ја објави серијата "Nobody Wants This", која гледачите ја нарекуваат „најдобрата во годината“. Заплетот на серијата се фокусира на ликовите на Џоана (Кристен Бел), агностик и Ноа (Адам Броди), „необичен рабин“. Преку нивните различни погледи на религијата и животот, серијата го истражува хуморот во семејната динамика и предизвиците за наоѓање љубов во модерното време.
Покрај Кристен Бел и Адам Броди, во серијата глумат и Џастин Лупе и Тимоти Сајмонс. Серијата е напишана и продуцирана од Ерин Фостер, позната по нејзината работа на "The New Normal" на "NBC". Нејзината цинична перспектива додава допир на хумор и реалност на оваа романтична комедија.
Гледачите веднаш реагираа на социјалните мрежи со импресивни резултати на "Rotten Tomatoes", каде што серијата постигна 95 проценти од критичарите. Во Фејсбук групата "LADbible Netflix Bangers", корисниците ги споделија своите мислења, со коментари кои вклучуваат пофалби како „најдоброто шоу за опсесивно гледање“ и тврдења дека „дефинитивно и треба уште една сезона“. Многумина истакнаа дека серијата веќе ја гледале повеќе од еднаш, а некои ја прогласија за „најдобрата серија што Нетфликс ја има издадено“ оваа година.
Во интервју за "Indiewire", Ерин Фостер изјави дека одзивот од гледачите е многу позитивен и дека разговорите за потенцијална втора сезона веќе се започнати. Иако приказната полека напредува во првата сезона, Фостер изрази желба да продолжи со истото темпо со цел приказната да остане интересна и автентична.
Серијата "Nobody Wants This" можете да ја гледате на "Netflix".
