Џиџи Хадид беше во центарот на вниманието поради својот изглед на ревијата на брендот „Vetements“, како дел модната недела во Париз, на којашто се појави облечена во „фустан“ направен од жолта самолеплива „DHL“ лента.
Манекенката се прошета на ревијата, на којашто беше претставена колекцијата за пролет/лето 2025, носејќи жолт, мини фустан без прерамки, којашто потсетуваше на изгледот на Ким Кардашијан на ревијата на „Balenciaga“ во 2022 година.
Хадид својот изглед го комплетираше со штикли коишто исто така беа прекриени со „DHL“ лента, а се прошета заедно со музичарите Трејвис Скот и Џеј Балвин. На ревијата присуствуваа и други музички ѕвезди како што се: „Ice Spice“, „Bella Thorne“, „Normani“ и „Tom Daly“.
Кратката руса коса на Хадид беше во брановиден облик, а на лицето имаше неутрална шминка. Таа во еден момент дури и се сопна на пистата, но бргу успеа да ја врати рамнотежата.
Gigi Hadid desfilando para la colección Spring/Summer 2025 de Vetements durante #PFW en Paris, Francia. - 27/09. pic.twitter.com/aNVmwECHaG
— Gigi Hadid Argentina (@GigiHadidARG) September 27, 2024
Фустанот од „DHL“ самолеплива лента, привлече многу внимание, особено поради тоа што слични парчиња облека веќе беа дел од колекцијата на брендот „Balenciaga“.
Токму во 2022 година, Ким Кардашијан на ревијата на „Balenciaga“ носеше комплет составен од горен и долен дел којшто потполно се состоеше од жолта лента со натпис „Balenciaga“, заедно со култната „Hourglass“ чанта, која исто така беше прекриена со жолто – црна лента.
