Хирургот Елиас Џарадех изјави дека лекувал жени и деца, но дека повеќето пациенти биле млади мажи, а исто така вели дека поголем дел од пациентите биле со тешки телесни повреди, како и дека многумина го изгубиле видот и на двете очи.

Лекувал и многу цивили

Помеѓу мртвите и повредените во Либан, се наоѓаат и борците на Хезболах – вооружената група, поддржана од Иран, која со месеци разменува прекугранични напади со Израел, а Велика Британија и САД го сметаат Хезболах за терористичка организација.

Помеѓу убиените и повредените во последните напади врз Либан, се наоѓаат членовите на семејствата на припадниците на Хезболах, но и случајните поминувачи, а Џарадех вели дека најголем дел од ранетите којшто ги лекувал биле цивили.

За овие бомбашки напади врз Либан, во коишто загинаа 37 луѓе (вклучувајќи и две деца), главно е обвинет Израел, но кој сè уште ја нема прифатено одговорноста за нападите.

Хирургот Џарадех, којшто е и застапник на парламентарниот блок „Промена“ работи во специјализираната болница за очи и уши, во којашто биле третирани ранетите со најтешки повреди.

„И да, многу е тешко, мораш да се дистанцираш. Помалку или повеќе ти си робот. Мораш да работиш, а одвнатре си длабоко повреден. Ја гледаш твојата повредена нација“, вели Џарадех.

Хирурзите како Џарадех, речиси 24 часа без прекин за да им помогнат на ранетите, од коишто многумина го изгубиле видот или екстремитетите, изјави за „BBC“ државниот министер за здравство.

Министерот за здравство, Фирас Абиад, исто така изјави дека повредите ќе го сменат животот на жртвите. „Тоа е нешто што за жал ќе бара долг период на рехабилитација“, вели Абиад.

Инаку 3.200 луѓе беа повредени, а најголем дел од нив беа повредени во вторник, кога беа детонирани илјадници пејџери.

Во нападот во среда, во којшто биле детонирани двонасочни радиоуреди, беа ранети околу 450 луѓе, а 25 лица го загубија животот, што е двојно повеќе од бројот на загинати во првичните експлозии во вторникот.

Абиад за „BBC“ изјави дека овие напади претставуваат воено злосторство.

„Целиот свет можеше да види дека тие напади се случија на пазарите. Тоа не беа луѓе коишто се бореле на бојното поле. Тие беа во цивилни подрачја со своите семејства“, додаде Абиад.

Инаку многумина Либанци од Бејрут, велат дека нападите со пејџери ја обновиле нивната траума од експлозијата на илјадници тони амониум нитрат во бејрутското пристаниште којашто се случи пред четири години, а поради која загина 200 луѓе и беа повредени 5000 лица.