Бразил е во огромна криза откако беше елиминиран од Хрватска во четвртфиналето на Мундијалот. „Селекао“ на седумте квалификациски натпревари за СП 2026 освои само 10 бода, а селекторот на Бразил вели: „Ќе играме финале!“
Бразил е единствената фудбалска репрезентација која има освоено пет светски шампионски титули, но во последните 20 години земјата западна во голема криза. Од 2002 година Бразил нема освоено светски медал, а на четири од последните пет светски првенства испадна во четвртфиналето. Исклучок беше во 2014 година, кога Бразил беше домаќин на Светското првенство и загуби со 7-1 од Германија во полуфиналето…
Во Катар, Бразил беше елиминиран од Хрватска во драматично четвртфинале. По регуларниот дел немаше голови, а Нејмар ги доведе Бразилците во водство во првото продолжение. Бруно Петковиќ се покажа како херој на Хрватска со гол за 1-1, а Хрватите се пласираа во финалето по изведувањето на пенали.
И додека во Европа квалификациите за Светското првенство почнуваат дури на пролет 2025 година, во Јужна Америка веќе се во полн ек. По седум одиграни натпревари, Аргентина води со 18 бодови во седум натпревари, додека Бразил е само на четвртото место со 10 бодови од седум натпревари. И покрај лошата форма и резултатите, бразилскиот селектор Доривал Јуниор е убеден дека неговата репрезентација ќе игра финале на Светското првенство во 2026 година!
- Не грижи се и слободно запиши што ќе кажам. Бразил ќе го игра финалето на Светското првенство во 2026 година. Да, сигурно ќе бидеме во финалето – одговорно тврдеше бразилскиот селектор.
Останува да се види дали Жуниор ќе успее во она што многумина од неговите претходници не го постигнале. Сите во Бразил сонуваат да се вратат на врвот на светот како кога беа предводени од Пеле, а потоа и Ромарио и Роналдо…
