Истрагата за причините за пожарот што пред три дена избувна во Атика се уште трае, но според информациите на Противпожарната служба, причина за пожарот најверојатно е краток спој на електричната мрежа.
Министерот за цивилна заштита Василис Кикилијас на социјалната мрежа Х (Твитер) објави видео снимено со беспилотни летала, на кое се гледа како беспилотното летало Парнита го детектира почетокот на пожарот во Варнавас во 15.02 часот, како и хеликоптерот кој пристигнува на местото на настанот четири минути подоцна.
Од избувнувањето на пожарот иселени се 150 жители на Атика, на кои им е обезбедена храна, вода и места за одмор, како и здравствена заштита. Во исто време, 35 пациенти на возраст од 25 до 93 години од невропсихијатриската болница со седиште во Пентели привремено се префрлени во објектите на Олимпискиот стадион, од каде се пренесени во хотел во Атина.
Во пожарот загина една жена, чие јагленосано тело е пронајдено во продавница во предградието на Атина, Патимо Халандриу.
Што се однесува до моменталната состојба, портпаролот на противпожарната единица Василис Ватрагокијанис изјави дека на поширокото подрачје на Атина нема активни шумски пожари, но дека екипите се уште се во готовност.
„Намалувањето на налетите на ветерот и обемните напори на итните служби придонесоа пожарите да се стават под контрола. Пожарникарите ќе продолжат да ја преливаат земјата и ќе останат на истата област во наредниот период“, рече Ватрагокијанис.
Се уште постои ризик од повторно избивање на пожарот бидејќи ветерот се засилува, а температурата е над 36 степени.
Денес
