Манчестер јунајтед има намера да направи мала реконструкција во тимот. Клубот дефанзивната линија ја засили со Лени Јоро, а нападот со Џошуа Зиркзе.
Планот на првиот човек на спортскиот сектор, сер Џим Ретклиф е да донесе уште најмалку тројца нови играчи. За да собере пари за тие трансфери, клубот на трансфер листата стави седум фудбалери. Меѓу нив е и Хари Мегваер.
Мегваер беше изненаден од информацијата дека клубот сака да го продаде. Англискиот репрезентативец, кој го пропушти Европското првенство поради повреда, наводно добил гаранции од тренерот Ерик Тен Хаг дека ќе биде во тимот, во новата сезона.
„Да бидам искрен, сè што слушнав е дека сум во плановите Манчестер јунајтед“, рече Мегваер и додаде:
„Подготвен сум да се борам за најголемите трофеи во Манчестер јунајтед“.
Мегваер се уште има важечки договор со трофејниот англиски клуб, но прашање е дали ќе биде во клубот по 1.септември кога официјално завршува преодниот рок.
