Американската кошаркарска репрезентација важи за прв фаворит на олимпискиот турнир во Париз, но тоа не значи дека ривалите лесно ќе се предадат и нема да се обидат да го изненадат тимот составен од НБА ѕвезди.
Србија, Јужен Судан и Германија му создадоа многу проблеми на американскиот тим во рамките на подготовките, па селекторот Стив Кер испрати важна порака до играчите во пресрет на првиот настап во Франција.
– Денеска го имавме најинтензивниот тренинг, а тоа е потсетување дека дојде времето, дека сме тука и треба да се разбудиме.
– Мора да одиграме 40 интензивни минути во кои ќе бидеме максимално фокусирани и не смееме да дозволиме другите да бидат поенергични и попожртвувани како што беше на дуелите со Германија и Јужен Судан.
– Можеме да играме две нивоа подобро, но за тоа е потребна соработка меѓу сите во тимот. Ќе одиграме буквално шест натпревари, а не смееме да дозволиме само да трчаме без план во нападите како на досегашните средби, – рекол Кер.
