Шпанскиот прволигаш Реал Мадрид ги комплетираше сите активности кога е во прашање трансферот на Килијан Мбапе, а откако тоа се заврши се фокусираше на играчите кои му дадоа многу на клубот во изминативе 10-15 години.
Прв на листата беше Лука Модриќ, новиот капитен на екипата со кого беше продолжена сорботката до 30 јуни 2025 година. Денеска пак актуелниот шпански и европски шампион објави дека нов договор има и за големиот работник, играчот кој секогаш се става во функција на тимот, Лукас Васкез.
- Многу сум среќен поради продолжувањето на договорот и ќе се видиме наскоро. Хала Мадрид, - порача Васкез кој досега за Реал има одиграно 349 натпревари, постигнато 36 голови и се има израдувано на 21 титула со клубот.
Инаку Лукас од 2015 година е во првата екипа што значи до 2025 ќе заокружи точно една деценија.
🤳 @Lucasvazquez91: "Hola #Madridistas, I'm very happy about my contract renewal and we'll see each other soon. Hala Madrid!"
— Real Madrid C.F. 🇬🇧🇺🇸 (@realmadriden) July 18, 2024
#LucasVázquez2025 pic.twitter.com/D7RO8cc6OD
✍️ #LucasVázquez2025 ✍️ pic.twitter.com/8cQzHFM2cK
— Real Madrid C.F. 🇬🇧🇺🇸 (@realmadriden) July 18, 2024
