Веста на денот во кошаркарскиот свет во понеделник беше дека хрватските репрезентативци учествувале во тепачка во ноќен клуб во Атина, по поразот во финалето на квалификацискиот турнир за Олимписките игри.
А сега испливаа нови информации за инцидентот. На интернет во понеделникот вечерта се појавија снимки од инцидентот од споменатиот ноќен клуб во грчката престолнина, во кој учествуваа хрватските кошаркари Ивица Зубац и Дарио Шариќ.
Грчките медиуми открија нови информации поврзани со инцидентот. Имено, според нивното пишување, Зубац и Шариќ прво се судриле со другите гости, а потоа и со обезбедувањето.
Наводно, се започнало кога Ивица Зубац се скарал со некого, а Дарио Шариќ скокнал да го одбрани. Сепак, новиот кошаркар на Денвер Нагетс го добил првиот удар, кој го приземји на земја, каде накратко лежел неподвижен и онесвестен.