Лучано Спалети повторно правеше промени во стартниот тим на Италија, но измената во формацијата се покажа како целосно погрешна одлука, нешто што се одрази врз играта, но и врз конечниот резултат.
Швајцарија и одржа фудбалска лекција на Италија и го детронизираше актуелниот европски првак, но начинот на кој го направи тоа предизвика изненадување кај голем број фудбалски фанови.
Фаворизираната Италија во ниту еден не се наметна во клучната фаза од мечот, а по остварената победа од 2:0, селекторот Мурат Јакин со огромна самодоверба говорел за тактичките детали од мечот.
Наместо 3-5-2, Спалети излезе со формација 4-3-3, а Јакин смета дека огромна предност за нив било тоа што Спалети се одлучил да игра со четворица во одбрана.
– Неверојатно е што ни се случува на овој турнир во Германија. Уживавме на секој стадион, голема благодарност до нашите фанови. Да бидам искрен, знаевме дека ќе ги уништиме Италијанците ако играат со четворица во одбрана. Покрај тоа, Дан Ндоје го затвори средниот ред и неговиот играч Ел Шарави едвај ја виде топката.
– Направивме голем чекор и испративме силен сигнал. Непоразени ја завршивме групата и игравме добро, а натпреварот со Германија ни потврди дека можеме да се бориме со сите. Не игравме само бункер чекајќи контра, покажавме дека можеме да напаѓаме и да доминираме, – изјавил Јакин.
