Олуен ветер проследен со силен дожд и грмежи го зафатија Скопје повторно попладнево.
Како што најавија синоптичарите, до крајот на денот ќе има нестабилност низ државата. Вчера во невремето најпогодени беа Скопје, Тетово и Куманово.
Нестабилна воздушна маса од запад и северозапад е навлезена во Скопската котлина, а во моментов подрачјето на Тетово е зафатено од интензивен пороен дожд и грмежи. Правецот на движење на нестабилната маса е кон исток и североисток. Поголема нестабилност има во источниот дел на Пелагонија и делови од Мариово. Правецот на движење е кон североисток, информира Центарот за управување со кризи (ЦУК).
Од УХМР препорачуваат внимателно движење покрај помалите реки и суводолиците и претпазливост на оние места каде се очекуваат поинтензивни врнежи од дожд.